Hoërskool Secunda het sy deure vir die eerste keer oopgemaak
in Januarie 1980, met Mnr. D.J. van Tonder as eerste skoolhoof. Die skool was die eerste hoërskool wat in Secunda gebou is.

UITSONDERLIKE PRESTASIE
MET PLAASLIKE TALENT.

#SECUNDATROTS

PROSPEKTUS
Terugblik op 40 jaar

ONS WAARDES

RESPEK

Definisie

Deur mekaar, ons skool en besoekers te respekteer, ontdek ons vele moontlikhede van saamdoen, saamleer, saamgroei en samehorigheid.

Sensitering

• Ons hou die skoolgrond en lokale netjies en skoon.

• Ons dra ons skoolklere met trots en is altyd korrek geklee tydens skoolbywoning en skoolbyeenkomste.

• Ons is betyds vir skool, klas en skoolbyeenkomste.

• Ons groet mekaar en besoekers.

VERANTWOORDELIKHEID

Definisie

Ons aanvaar verantwoordelikheid vir ons lewe (skool) omdat ons besef, net ONS kan vir onsself ‘n toekoms skep, niemand anders nie. Ons aanvaar dat die skool ons nodig het en dat elkeen ‘n belangrike bydrae moet lewer.

Sensitering

  • Ons doen ons klas– en huiswerk deeglik.
  • Ons handhaaf ‘n positiewe leer– en sportomgewing.
  • Ons identifiseer met die ideale van ons skool.

SELFBEHEERSING

Definisie

Ons poog om ten all tye ons woorde en dade te beheer tot voordeel van onsself, die skool en ons gemeenskap.

Sensitering

  • Ons is lojaal en lewer moontlike kritiek na binne en nooit na buite nie.
  • Ons volhard en hou aan probeer.
  • Ons praat altyd die waarheid.
  • Ons dink voor ons doen en praat.
  • Ons weerhou ons daarvan om te baklei.
  • Ons misbruik nie die sosiale media nie.

DANKBAARHEID

Definisie

Ons besef dat ons moet dankbaar wees vir dit wat ons het, voordat dit te laat is om te besef wat ons gehad het.Ons besef dat ‘n dankbare hart ons uitkyk op die lewe verander.

Sensitering

  • Gee elke dag erkenning vir mense wat jou help – sê dankie.
  • Ons gebruik ons Godgegewe talente op akademiese, kultuur en sportgebied.
  • Ons is dankbaar in alle omstandighede.

OMGEE

Definisie

Ons bemoedig mense om hul volle potensiaal te bereik.

Sensitering

  • Ons help mense in nood.
  • Ons vergewe ander.
  • Ons is sensitief vir ander se omstandighede.
  • Behandel mense soos jy behandel wil word.

As `n leerder van Hoërskool Secunda

Aanvaar ek Hoërskool Secunda as my skool;
My Alma Mater en my trots,
Aanvaar ek dat die skool my nodig het en dat ek `n belangrike bydrae te lewer het;
Identifiseer ek myself met die ideale van my skool;
Is ek lojaal teenoor my skool en lewer ek moontlike kritiek na binne en nooit na buite nie;
Is ek nooit met `n powere poging in die klas of op die baan tevrede nie;
Handhaaf ek die goeie naam van my skool onder alle omstandighede en eerbiedig ek die reëls en gedragskode van my skool.

EK GLO EN DOEN

Hou hierdie webblad dop vir die nuutste inligting, prestasies en interessante brokkies nuus. Onthou, jy kan ons “like” op Facebook en volg op Instagram. Ouers, laai ook die “school communicator” af om op hoogte te bly van gebeure by die skool. U kan dit aflaai by www.school-communicator.com

HOOFBORG